Maine Mendoza, mabuti na ang kalagayan matapos mag-emergency exit sa 'Eat Bulaga'

Pagkatapos mapabalita na itinakbo sa ospital si Maine Mendoza ngayong araw (March 8) habang umeere ang Eat Bulaga, maraming fans ang nag-alala para sa kanyang kalagayan. Sa kalye-serye, nakitang nagbigay lamang ng ilang linya si Maine at nag-exit na sa eksena. Isang statement ang inilabas ni Jose Manalo sa Eat Bulaga tungkol sa biglaang pag-alis ni Maine. Aniya, "Nung Sugod Bahay, okay pa siya, pero may sumasakit na rin ng konti… sinakay po namin ng ambulansya." Sa Twitter account ni Maine, ibinalita niya mismo na siya ay nasa mabuti nang kalagayan para hindi na mag-alala ang kanyang mga tagahanga.