Tsika nga ni Kim Rodriguez nang makausap namin kaugnay sa nasabing issue, “Naku hindi po totoo ‘yan, Tito John. Okey na okey po kami ni Kiko Estrada.
“Tsismis lang po ‘yan. Natawa na nga lang kami nang makarating sa amin na hindi na kami okey, na merong third party na sumisira sa relasyon naming dalawa.
“Kung ano ‘yung pinagsamahan namin noon , mas lumalalim pa habang tumatagal.”
Hindi na nga lang daw nila pinapansin at iniintindi ang ganung klaseng balita dahil wala namang katotohanan . Basta sa ngayon daw, masaya sila ni Kiko together at sobrang daming blessings daw ang dumarating sa kanya. Bukod sa mga bagong endorsements, meron siyang bagong teleserye. ang “Hanggang Makita Kang Muli” with Bea Binene and Derrick Monasterio.
